uamyint

HEALTH MATTERS HbA1C ဆီးချို သွေးချို ရောဂါ သိစရာများType 2 Diabetes Mellitus ( ၁ / )

HbA1c

🩸🩺 A1C (HbA1c) ဆိုတာ ဘာလဲ? ဆီးချိုသမားတိုင်း မဖြစ်မနေ သိထားသင့်သည့် အရေးကြီး အချက်များ 💡✨

ဆီးချိုရောဂါရှိသူများ သို့မဟုတ် ဆီးချိုအကြိုအဆင့်ရှိသူများ ဆရာဝန်နှင့် ပြသသည့်အခါ “A1C (သို့မဟုတ်) HbA1c” စစ်ဆေးရမည်ဆိုသည့် စကားကို ခဏခဏ ကြားဖူးကြပါလိမ့်မည် ခင်ဗျာ။ 🤔

လူအများစုသည် နေ့စဉ် လက်ထိပ်ဖောက် သွေးချိုတိုင်းတာခြင်းနှင့် A1C ကို ရောထွေးတတ်ကြပါသည်။ လက်ထိပ်ဖောက် သွေးချိုစစ်ဆေးခြင်းသည် စစ်ဆေးသည့် စက္ကန့်ပိုင်းအတွင်းရှိ သွေးချိုပမာဏကိုသာ ပြသနိုင်သော်လည်း A1C စစ်ဆေးခြင်းသည် လွန်ခဲ့သော ၂ လမှ ၃ လတာ ကာလတစ်ခုလုံးအတွင်း ခန္ဓာကိုယ်၏ ပျမ်းမျှ သွေးချိုထိန်းချုပ်နိုင်စွမ်း ကို အတိအကျ ဖော်ပြပေးသည့် ရွှေရောင်စံနှုန်း ဆေးပညာ စစ်ဆေးမှု ဖြစ်ပါသည်။

A1C ၏ အဓိပ္ပာယ်၊ သတ်မှတ်ပန်းတိုင်၊ သတိပြုရမည့် ကန့်သတ်ချက်များနှင့် ဆေးပညာဆိုင်ရာ အကြံပြုချက်များ ကို မျှဝေပေးလိုက်ရပါသည်👇

🩸 ၁။ A1C (Hemoglobin A1c) ဆိုတာ ဘာလဲ? ဘာကြောင့် ၃ လတစ်ကြိမ် စစ်ရသလဲ?
🧬 ကျွန်ုပ်တို့၏ သွေးနီဥများထဲတွင် အောက်ဆီဂျင် သယ်ဆောင်ပေးသည့် ဟီမိုဂလိုဘင် (Hemoglobin) ဟုခေါ်သော ပရိုတင်းတစ်မျိုး ပါဝင်ပါသည်။

🍬 သွေးထဲတွင် သကြားဓာတ် များပြားနေပါက ထိုသကြားများသည် သွေးနီဥရှိ ဟီမိုဂလိုဘင်ပရိုတင်းနှင့် ကပ်ငြိသွားပါသည် (Glycation ဖြစ်စဉ်)။ သွေးထဲတွင် သကြားများလေ A1C ရာခိုင်နှုန်း ပိုမြင့်လေ ဖြစ်ပါသည်။

📅 သွေးနီဥတစ်လုံး၏ ပျမ်းမျှ သက်တမ်းသည် ရက်ပေါင်း ၁၂၀ (၃ လခန့်) ရှိသောကြောင့် A1C ကို စစ်ဆေးခြင်းဖြင့် လွန်ခဲ့သည့် ၃ လတာအတွင်း သွေးချိုပမာဏ မည်မျှရှိခဲ့သလဲ ဆိုသည်ကို အတိအကျ တွက်ချက်ဖော်ပြနိုင်ခြင်း ဖြစ်ပါသည်။

📊 ၂။ A1C ရာခိုင်နှုန်းများနှင့် ပျမ်းမျှ သွေးချိုပမာဏ ဆက်စပ်ပုံ (eAG)
A1C ရာခိုင်နှုန်း ၁% အတက်/အကျ ရှိတိုင်း ပြီးခဲ့သည့် ၃ လအတွင်း ပျမ်းမျှ သွေးချိုသည် ~29 mg/dL (ခန့်မှန်းခြေ 30 mg/dL ဝန်းကျင်) အပြောင်းအလဲ ရှိပါသည် –

🔹 A1C 6% = ပြီးခဲ့သည့် ၃ လအတွင်း ပျမ်းမျှ သွေးချို ~126 mg/dL

🔹 A1C 7% = ပြီးခဲ့သည့် ၃ လအတွင်း ပျမ်းမျှ သွေးချို ~154 mg/dL

🔹 A1C 8% = ပြီးခဲ့သည့် ၃ လအတွင်း ပျမ်းမျှ သွေးချို ~183 mg/dL

🔹 A1C 9% = ပြီးခဲ့သည့် ၃ လအတွင်း ပျမ်းမျှ သွေးချို ~212 mg/dL

🎯 ၃။ A1C သတ်မှတ်ချက် ပန်းတိုင် (A1C Target) မည်မျှ ထားရမည်နည်း?
🎯 ယေဘုယျ ပန်းတိုင် : အရွယ်ရောက်ပြီးသူ ဆီးချိုဝေဒနာရှင် အများစုအတွက် ပန်းတိုင်မှာ 7% အောက် ထားရှိရန် ဖြစ်ပါသည် (A1C ကို ၁% လျှော့ချနိုင်ရုံဖြင့် မျက်စိ၊ ကျောက်ကပ်၊ နှလုံးနှင့် အာရုံကြော နောက်ဆက်တွဲ ပြဿနာများကို ၃၀% ကျော်အထိ လျှော့ချပေးနိုင်ပါသည်)။

🌟 ငယ်ရွယ်သူများနှင့် ဆီးချိုဖြစ်ကာစ လူနာများ : ဆီးချို စတင်ဖြစ်ပွားချိန်တွင် သွေးချိုအကျလွန်ခြင်း မဖြစ်စေဘဲ 6.5% အောက် ထိန်းထားနိုင်လျှင် အကောင်းဆုံး ဖြစ်ပါသည်။

🧓 သက်ကြီးရွယ်အိုများနှင့် နာတာရှည်ရောဂါ အခံရှိသူများ : သွေးချိုအကျလွန်ခြင်း၏ အန္တရာယ်မှ ကာကွယ်ရန် ပန်းတိုင်ကို အနည်းငယ် လျှော့ပေါ့ကာ 7.5% မှ 8.0% ဝန်းကျင် ထားရှိရန် ဆရာဝန်များက ညွှန်ကြားလေ့ရှိပါသည်။

⚠️ (အထူး သတိပြုရန် – A1C ကျဆင်းအောင် ပြုလုပ်ရာတွင် အသက်အန္တရာယ်ရှိသော သွေးချို အလွန်အမင်း ထိုးကျခြင်း (Hypoglycemia) လုံးဝ မဖြစ်စေရန် အထူး အရေးကြီးပါသည်)။

⚠️ ၄။ A1C စစ်ဆေးခြင်း၏ ကန့်သတ်ချက်များနှင့် အားနည်းချက်များ
📉 သွေးချို အတက်အကျ အစွန်းရောက်ခြင်းကို မဖော်ပြနိုင်ခြင်း :

A1C သည် ပျမ်းမျှကိုသာ ပြသသဖြင့် တစ်နေ့တာအတွင်း သွေးချို ၅၀ (အလွန်ကျ) နှင့် ၂၅၀ (အလွန်တက်) ဖြစ်နေသူ၏ ပျမ်းမျှသည်လည်း ၁၅၀ (A1C 7%) သာ ပြနေတတ်ပါသည်။

🩸 သွေးရောဂါရှိသူများတွင် ရလဒ် မမှန်ကန်နိုင်ခြင်း

သံဓာတ်ချို့တဲ့ သွေးအားနည်းရောဂါရှိပါက သွေးနီဥသက်တမ်း ရှည်သွားသဖြင့် A1C ရလဒ် အမှားဖြင့် ပိုမြင့်နေတတ်ပြီး၊ မကြာသေးမီက သွေးသွင်းထားသူများ၊ သွေးဆင်းဒဏ်ရာရသူများ၊ သွေးနီဥပျက်လွယ်သူများနှင့် သာလာဆီးမီးယား (Thalassemia) ရှိသူများတွင် A1C ရလဒ် အမှားဖြင့် ပိုနည်းနေတတ်ပါသည်။

🤰 ကိုယ်ဝန်ဆောင်ချိန် : သွေးထုထည် ပြောင်းလဲမှုကြောင့် A1C ရလဒ် မတိကျတတ်သဖြင့် လက်ထိပ်ဖောက် သွေးချိုကိုသာ အဓိက အားကိုးရပါသည်။

🩸 နေ့စဉ် မနက် အစာမစားမီနှင့် အစာစားပြီး ၂ နာရီ လက်ထိပ်ဖောက် သွေးချို စနစ်တကျ မှတ်တမ်းတင်ခြင်း။

💡 အနှစ်ချုပ် အကြံပြုချက်
ဆီးချိုရောဂါ ထိန်းချုပ်ရာတွင် နေ့စဉ် စားသောက်မှုနှင့် ဆေးဝါးများ ထိရောက်မှု ရှိ/မရှိ သိရှိနိုင်ရန် ၃ လတစ်ကြိမ် A1C ပုံမှန် စစ်ဆေးသင့်ပါသည် ခင်ဗျာ (ဓာတ်ခွဲခန်း စက်ကိရိယာ ကွာခြားမှုကြောင့် အဖြေ အနည်းငယ် ကွဲလွဲနိုင်သဖြင့် သွေးချို အတက်အကျ Trend ကို သေချာ နှိုင်းယှဉ်နိုင်ရန် Lab တစ်ခုတည်းတွင်သာ တသမတ်တည်း စစ်ဆေးသင့်ပါသည်)။

ဆီးချိုဆေး သောက်နေစဉ် သို့မဟုတ် အင်ဆူလင် ထိုးနေစဉ် သွေးတွင်း သကြားဓာတ် ရုတ်တရက် အလွန်အမင်း ထိုးကျကာ (Hypoglycemia < 70 mg/dL) လက်တုန်၊ ခြေတုန် ချွေးစေးများ ဒလဟော ထွက်လာခြင်း၊ နှလုံး တဒိတ်ဒိတ် ခုန်မြန်လာခြင်း၊ စကားပြော ဗလုံးဗထွေးဖြစ်ကာ မျက်စိပြာ သတိလစ် မေ့မြောသွားခြင်း ပေါ်ပေါက်ပါက လူနာ အသိရှိနေသေးလျှင် သကြားခဲ/အချိုရည် အမြန် စားသောက်စေရပါမည်။ သို့သော် လူနာ သတိလစ်သွားပါက အစာနှင့် ရေကို ပါးစပ်ထဲ အတင်းအကျပ် မထည့်ဘဲ ဆေးရုံ အရေးပေါ်ဌာနသို့ အချိန် ၁ မိနစ်မျှ မဆိုင်းဘဲ ချက်ချင်း ပို့ဆောင်ကာ သွေးကြောတွင်း ဂလူးကို့စ် အရေးပေါ် ထိုးသွင်း အသက်ကယ် ကုသမှု ခံယူရပါမည်။

မိသားစုဝင်များနှင့် ဆီးချိုဝေဒနာရှင် မိတ်ဆွေများအားလုံး A1C ဆေးပညာ ဗဟုသုတများ တိကျစွာ သိရှိနိုင်စေရန် မျှဝေပေးလိုက်ပါဦးနော်။ 💙✨

DrThura #HbA1c #A1CTest #ဆီးချိုရောဂါ #A1Cစစ်ဆေးခြင်း #သွေးတွင်းသကြားဓာတ် #ဆီးချိုထိန်းချုပ်မှု #ကျန်းမာရေးအသိပညာ #ကျန်းမာရေးဗဟုသုတ

ဆီးချိုစစ်တမ်းရလဒ်တွေကို မှားမဖတ်အောင် — Fasting, Random, After-Meal, A1C နံပါတ်တွေကို တိတိကျကျရှင်းပြထားပါတယ်။ ဆီးချို ပုံမှန် အတိုင်းအတာများ ၊ ဆီးချို တိုင်းနည်း စစ်နည်း

https://youtu.be/hYxu_z9K28Y?si=jX_7BBJcfzMVswqK

ဆီးချိုရှိသူများ ပျော်ရွှင်ကျန်းမာတဲ့ အခြေအနေကို ဖန်တီးနိုင်ဖို့အတွက် စိတ်ကိုပြုပြင်နည်းများအကြောင်းကို ဆရာမကြီး ပါမောက္ခ ဒေါက်တာ သန်းသန်းအေးရေးသားထားသော ဆောင်းပါး “ဆီးချိုရှိသော်လည်း သက်တမ်းစေ့ နေနိုင်ဖို့အတွက်” ဆိုတဲ့ ဆောင်းပါးကို အခြေခံပြီး အခုလို ဆွေးနွေးပြောကြားထားပါတယ်…

diabetes #DiabetesPrevention

di

https://youtu.be/YKDwHEOMRK4?si=idC7AOJGlDyQgwYJ

ဆီးချိုကိုအကောင်းဆုံးကောင်းအောင်ဘယ်လိုကုမလဲ

၂၀၂၅ ခုနှစ်၊ နိုဝင်ဘာလ (၁၄) ရက်နေ့တွင်‌ ကျရောက်သော ကမ္ဘာ့ဆီးချိုသွေးချိုရောဂါ ကာကွယ်ထိန်းသိမ်းရေးနေ့ (𝗪𝗼𝗿𝗹𝗱 𝗗𝗶𝗮𝗯𝗲𝘁𝗲𝘀 𝗗𝗮𝘆) အထိမ်းအမှတ်အနေဖြင့်…

👨‍⚕️ မြန်မာနိုင်ငံဆီးချိုသွေးချိုရောဂါအသင်း၏ ဥက္ကဌ ဆီးချိုသွေးချိုရောဂါ အထူးကုဆရာဝန်ကြီး ပါမောက္ခဒေါက်တာသန်းသန်းအေးမှ ပြောကြားထားသော…

✅ ဆီးချိုသွေးချိုရောဂါဖြင့် သက်တမ်းစေ့နေနိုင်အောင် ဘယ်လိုကုသမလဲ…
✅ စောစောသိ စောစောကုသခြင်းရဲ့ ကောင်းကျိုးများ
✅ ဆီးချိုကို ဘယ်သူတွေ ပိုပြီး သတိထားစစ်ဆေးရမလဲ…
✅ ဆီးချိုသွေးချို ပုံမှန်စစ်ဆေးခြင်း၏ အရေးပါပုံ
✅ အိပ်စက်ခြင်းနှင့် ဆီးချိုဆက်စပ်ပုံအကြောင်း စသည့်အကြောင်းအရာများကို တင်ဆက်ပေးလိုက်ပါသည်။

📌

https://youtu.be/Sh4kpBXzRe4?si=PyZYbOQBCy-aVDh7

ဆီးချိုကောင်အောင် ဘယ်လိုစားသောက်နေထိုင်မလဲ

၂၀၂၅ ခုနှစ်၊ နိုဝင်ဘာလ (၁၄) ရက်နေ့တွင်‌ ကျရောက်သော ကမ္ဘာ့ဆီးချိုသွေးချိုရောဂါ ကာကွယ်ထိန်းသိမ်းရေးနေ့ (𝗪𝗼𝗿𝗹𝗱 𝗗𝗶𝗮𝗯𝗲𝘁𝗲𝘀 𝗗𝗮𝘆) အထိမ်းအမှတ်အနေဖြင့်…

👨‍⚕️ ဆီးချိုသွေးချိုရောဂါ အထူးကုဆရာဝန်ကြီး ပါမောက္ခဒေါက်တာ ကိုကိုမှပြောကြားထားသော…

✅ ကျန်းမာရေးညီညွတ်သော အစားအသောက်ပုံစံ
✅ ကျန်းမာရေးညီညွတ်ရန် ပြောင်းလဲသင့်သော နေထိုင်မှုပုံစံ
✅ ဆီးချိုသွေးချိုရောဂါရှိသူများအတွက် စားသုံးရန် အာဟာရအချိုးအစားအကြောင်း
✅ သွေးတွင်း အချိုဓာတ်များနေလျှင် ရှောင်ရမည့် အစားအစာများအကြောင်း
✅ ဆီးချိုသွေးချိုနှင့် အာဟာရနှို့မှုန့်များအကြောင်း…. စသည်တို့ပါဝင်သော ဆီးချိုကောင်းအောင် ဘယ်လိုနေထိုင်ရမလဲ (စားသောက်ခြင်း) ကို တင်ဆက်ပေးလိုက်ပါသည်။

📌 ဤအစီအစဉ်ကို 𝗧𝗿𝗲𝗹𝗮 (𝗧𝗿𝗲𝗹𝗮𝗴𝗹𝗶𝗽𝘁𝗶𝗻 𝟱𝟬𝗺𝗴) 𝗘𝘃𝗶𝗱𝗲𝗻𝗰𝗲 𝗕𝗮𝘀𝗲𝗱 𝗢𝗻𝗰𝗲-𝗪𝗲𝗲𝗸𝗹𝘆 𝗗𝗣𝗣𝟰- 𝗜𝗻𝗵𝗶𝗯𝗶𝘁𝗼𝗿 မှ ကျန်းမာရေးဗဟုသုတရရှိစေရန်ရည်ရွယ်၍ တင်ဆက်ပေးထားပါသည်။

https://youtu.be/UL8TCS0jRvE?si=b9y84PGpk_xud3Zr

ဆီးချိုရောဂါပိုဆိုးမလာအောင် ဘယ်လိုထိန်းမလဲ

နိုဝင်ဘာလ ၁၄ ရက်နေ့ဟာ ဆီးချို ရောဂါအကြောင်း ကမ္ဘာတဝန်း အသိပညာပေးတဲ့နေ့ဖြစ်ပါတယ်။
ဆီးချိုရောဂါရဲ့ ရှေ့ပြေးလက္ခဏာတွေ၊ နောက်ဆက်တွဲ ဖြစ်လာနိုင်တဲ့ ရောဂါတွေ အကြောင်းနဲ့အတူ အထူးသဖြင့် ကိုဗစ်ကာလမှာ ခံနိုင်ရည်စွမ်း နည်းတဲ့ ဆီးချိုရောဂါသည်တွေအတွက် ဆီးချိုရောဂါ ပိုဆိုးမလာအောင် ဘယ်လို ထိန်းမလဲ ဆိုတာကို ယူကေနိုင်ငံက ဆီးချိုနဲ့ ဟော်မုန်း အထူးကု သမားတော်ကြီး ဒေါက်တာ ခင်ဆွေမြင့်က ဘီဘီစီရဲ့ ကျန်းမာရေးရာ Health Matters အစီအစဉ်မှာ ရှင်းပြထားပါတယ်။
ဘီဘီစီမြန်မာပိုင်း

https://youtu.be/O4inxIbjbt0?si=xh3gGel6SRHARhVJ

၁

ဆီးချိုရောဂါရှိရင် ဒီအစားအစာတွေကို လုံး ဝမစားပါနဲ့

ဆီးချိုရောဂါရှိရင် ဒီအစားစာတွေကိုလုံး၀(လုံး၀) မစားပါနဲ့

ONE Channel ပရိတ်သတ်များအားလုံးပဲ မင်္ဂလာပါ၊ ဒီနေ့မှာတော့ သိလိုရာမေးတိုင်းရင်းဆေးအစီစဉ်ကနေ ဆီးချိုရောဂါအတွက် မစားသင့်သောအစားအစာများလုပ်ဆောင်ရမယ့်အချက်တွေနဲ့ ဆောင်ရန်၊ရှောင်ရန်တွေကို တိုင်းရင်းဆေးပညာရှင် ဆရာမဒေါ်ဝင်းမမ နှင့် ဆွေးနွေးမေးမြန်းချက်တွေကို မျှဝေပေးသွားမှာဖြစ်ပါတယ်။ ONE Channel ပရိတ်သတ်များအားလုံးပဲ ရောဂါဘယတွေကင်းဝေးပြီး သာယာပျော်ရွှင်တဲ့ အချိန်များစွာကို ပိုင်ဆိုင်နိုင်ကြပါစေ – – –
မိမိတို့သိရှိလိုသော ကျန်းမာရေး အကြောင်းရာများကို comment တွင် မေးမြန်းခဲ့နိုင်ပါတယ်။

onechannel #health #ကျန်းမာရေး #ဗဟုသုတ

https://youtu.be/TfQZ0yMzsfM?si=Ef9Wwf23i_nBrVVv

၂

ဆီးချိုသမား တွေအတွက် နေ့တိုင်းမဖြစ်မနေစားသင့်တဲ့ စူပါအစားအစာများ

ဆီးချိုသမားဆိုတာ
သွေးတွင်းသကြားဓာတ် များနေသူ
တွေ ဖြစ်ပါတယ်…။
ဆီးချို ရောဂါဟာ
နာတာရှည် ရောဂါတစ်ခုဖြစ်သလို
နောက်ဆက်တွဲ ရောဂါတွေက
ကြောက်စရာ ကောင်းပါတယ်…။
မျက်စိကွယ်တာ၊
ကျောက်ကပ်ပျက်စီးပြီး အပတ်စဉ်
ကျောက်ကပ်ဆေးရတာ၊
နှလုံးရုတ်တရက် ရပ်သွားတာ၊
လေဖြတ်တာတွေ ဟာ
အချိန်မရွေးဖြစ်လာနိုင်ပါတယ်…။

ဆီးချို ရောဂါမှာ ၉၀% က
ဆီးချို အမျိုးအစား ( ၂ ) ဖြစ်ပြီး
ကျန်တဲ့ ၁၀% ကတော့
ဆီးချို အမျိုးအစား ( ၁ ) ဖြစ်ပါတယ်…။
အခုပြောပြမယ့် အစားအစာတွေက
ဆီးချို အမျိုးအစား ( ၂ ) ကို
အဓိက ရည်ရွယ်ပြီး
ပြောပြမှာ ဖြစ်ပါတယ်…။

ဆီးချိုသမားတွေအတွက်
အကောင်းဆုံးအစားအစာဆိုတာ
အာဟာရဓာတ်များစွာပါဝင်ရုံသာမက
သွေးတွင်းသကြားဓာတ် ( glucose ) ပမာဏကို ထိန်းချုပ်ဖို့
အထောက်အကူပြုနိုင်တဲ့
အစားအစာတွေ ဖြစ်ပါတယ်…။

စူပါဆီးချိုအစားအစာတွေမှာ
**အမျှင်ဓာတ်၊ ပရိုတင်း နဲ့
ကျန်းမာရေး နဲ့ ညီညွတ်တဲ့ကာဗိုဟိုက်ဒရိတ်
** အလယ်အလတ်ပမာဏ ရှိတဲ့
*ပြုပြင်မထားတဲ့ အစားအစာတွေကို
အခြေခံထားသင့်ပါတယ်…။

လူတွေမှာ Superman တွေ
ရှိသလို အစားအစာမှာလည်း
“ Super Foods ” တွေ ရှိပါတယ်…။

အာဟာရပညာရှင် တစ်ဦးက
“Superfoods” ဆိုတာ
**အာဟာရဓာတ်များစွာ ပါဝင်ပြီး
အခြားအစားအစာတွေထက်
ကျန်းမာရေးအကျိုးကျေးဇူး ပိုမိုရရှိနိုင်တဲ့
အစားအစာတွေကို ဖော်ပြတဲ့
စကားလုံးဖြစ်ကြောင်း ပြောကြားခဲ့ပါတယ်…။

“ ဆီးချို ထိန်းချုပ်ဖို့ အဓိက
စူပါအစားအစာများဆိုတာ
ဘာတွေလဲ…”

Xxxxx

Dr. Aung Win Hein.

https://youtu.be/QND5IJWENXg?si=7pnI6wffruwOVke0

၃

ဆီးချိုသွေးချိုအကြောင်းသိကောင်းစရာ Dr Aye Aye Mar

https://youtu.be/LK7Sr6fHo0Y?si=mtMmB-dKFbZAr9su

၄

ဆီးချိရောဂါနှင့်အစားအစာ Diabetes Diet FAME Dr Khin Maung Lwin

https://youtu.be/AisezsfhiuI?si=_GsDm4wPJS-idaVx

၅

ဆီးချိရောဂါ သည်တစ်ယောက် သိသင့်သောအချက်များ

ရောဂါသည်တစ်ယောက်ဆီးချိုတိုင်းရင်ဘယ်နည်းလမ်းကအမှန်ကန်ဆုံးဖြစ်မလဲ။ အဖြေတွေထွက်ရင် ဘယ်လိုမှတ်ရမလဲ၊ဘယ်လိုဆက်ပြီးကုသရမလဲ၊ဘယ်လောက်အန္တရာယ်များလဲဆိုတာတွေကို All About Medicine Myanmar နဲ့ mntv တို့ပူးပေါင်းတင်ဆက်ပေးထားတဲ့ ဗီဒီယိုဖိုင်ဖြစ်ပါတယ်။ဒီလို ကျန်းမာရေး ဗဟုသုတဗီဒီယိုလေူတွေပို mntv ရဲ့ Hello Myanmar အသီအစဉ်မှာ အပတ်စဉ် ဗုဒ္ဓဟူးနေ့တိုင်း စောင့်မျှော်ကြည့်ရှုနိုင်ပါတယ်။

diabetes #pre-diabetes #DM #glucometer #OGTT #HbA1c #Testsfordiabetes #diagnosisfordiabetes #ဆီးချိုရောဂါ #ဆီးချိုအကြိုကာလ #ဆီးချိုရောဂါဘယ်လိုကု #သုံးလဆီးချို #gestationaldiabetes #pregnancydiabetes #healthknowledge #allaboutmedicine #allaboutmedicinemyanmar #healthchannelmyanmar #howto #howtoknow #healtheducation #healthknowledgemyanmar #healthchannel

https://youtu.be/mp6Yu5i6fro?si=PK7ipIXjTduyTKxQ

၆

ဆီးချိုနောက်ဆက်တွဲ ခြေထောက်ဝေဒနာ

ခြေထောက်တစ်ခုလုံး မည်းသွား ပုပ်သွားတတ်တဲ့ ဆီးချိုနောက်ဆက်တွဲ ခြေထောက်ဝေဒနာ (Diabetic Foot) က ဆီးချိုသမားတွေ အထူးသတိထားရမယ့် ဝေဒနာဖြစ်ပါတယ်။ ခြေချောင်း ဒါမှမဟုတ် ခြေထောက်တစ်ခုလုံး ဖြတ်ပစ်ရရုံတင်မက အသက်ပါ ဆုံးနိုင်တဲ့ ဒီဝေဒနာရဲ့ ကနဦး လက္ခဏာတွေက ဘာတွေပါလဲ။ ဘယ်လိုနည်းတွေနဲ့ ကြိုတင် ကာကွယ်နိုင်မှာပါလဲ။ ယူကေနိုင်ငံက ဆီးချို၊ သွေးတိုးနဲ့ ဟော်မုန်းအထူးကု သမားတော်ကြီး ဒေါက်တာ ခင်ဆွေမြင့်က ဘီဘီစီရဲ့ ကျန်းမာရေးရာ Health Matters အစီအစဉ်မှာ ရှင်းပြထားပါတယ်။

ဘီဘီစီမြန်မာပိုင်း #Health Matters #ကျန်းမာရေးရာ

https://youtu.be/MF3-AjijQFY?si=4TdgaYdOay3cFkhy

၇

ဆီးချိုရောဂါပိုဆိုးမလာအောင် ဘယ်လို ထိန်းမလဲ BBC News မြန်မာ https://youtu.be/O4inxIbjbt0?si=J2VZQBBZIvLMptHw။ နိုဝင်ဘာလ ၁၄ ရက်နေ့ဟာ ဆီးချို ရောဂါအကြောင်း ကမ္ဘာတဝန်း အသိပညာပေးတဲ့နေ့ဖြစ်ပါတယ်။
ဆီးချိုရောဂါရဲ့ ရှေ့ပြေးလက္ခဏာတွေ၊ နောက်ဆက်တွဲ ဖြစ်လာနိုင်တဲ့ ရောဂါတွေ အကြောင်းနဲ့အတူ အထူးသဖြင့် ကိုဗစ်ကာလမှာ ခံနိုင်ရည်စွမ်း နည်းတဲ့ ဆီးချိုရောဂါသည်တွေအတွက် ဆီးချိုရောဂါ ပိုဆိုးမလာအောင် ဘယ်လို ထိန်းမလဲ ဆိုတာကို ယူကေနိုင်ငံက ဆီးချိုနဲ့ ဟော်မုန်း အထူးကု သမားတော်ကြီး ဒေါက်တာ ခင်ဆွေမြင့်က ဘီဘီစီရဲ့ ကျန်းမာရေးရာ Health Matters အစီအစဉ်မှာ ရှင်းပြထားပါတယ်။
ဘီဘီစီမြန်မာပိုင်း

https://fb.watch/CQf5ZsPTBA/?fs=e။ ထမင်းဖြူ ဆန်လုံးညို နှင့်ဆီးချို ရောဂါ ဆက်စပ်မှု