Bo Bo KoGyi ၏ နှလုံးရေးရာ ပြဿနာ 4 June 2025

ယခု ပုံမှန်သောက်နေကြ နှလုံးဆေးများအပြင်ဤဆေး ကိုမနက်တခြမ်းညတခြမ်း ဒေါက်တာကျော်စိုးဝင်း မှထပ် on ပါသည်။
နှလုံးဝေဒနာရှင်ဖြစ်သော်ငြား
(ကျနော်ကနှလုံးနေရာမအောင့်တတ်ပါ)ရုတ်တရက် မခံမရပ်နိုင် အောင်မေးရိုးကြီးများတင်းကားနေအောင်နာပြီး ချွေးစီးများ အများကြီးထွက်ကျင့်သာရှိပါသည်။
(၄/၆/၂၅)မနက်ပိုင်းမှာ မနေနိုင်လောက်အောင်ထိုသို့ စ ဖြစ်လိုက်ကထည်းက
ကိုယ့်ဖာသာ သတိဖြင့်Nitorol တလုံးလျှာအောက်ထည့်ပါသည်။ မသက်သာသဖြင့် နေ့လည်ပိုင်းနောက်တလုံးထပ်ထည့်ပါသည်။ စိတ်မလျှော့ပါ၊ ဘာမှမဖြစ်ဘူးဆိုပြီး
ကိုယ့်စိတ်ကို ခပ်တင်းတင်းထားပါသည်။ ဘေးအိမ်မှာဆရာဝန်ရှိပါသည်။ကျနော့်နှမဖြစ်သူက စိုးရိမ်စိတ်ဖြင့်
ပြေးခေါ်ပါသည်။ဆရာဝန်ကအလုပ်သွားနေ၍ ဆရာ့ဝန်အမေကြီးပြေးလိုက်လာပြီး ကျနော်ဖြစ်နေပုံကြည့်၍
မန္တလာဆေးရုံတင်ဘို့စီစဉ်ပါသည်၊ ကျနော်က လက်မခံ
သွားမည်ဆိုလျင် မန္တလေးဆေးရုံကြီး OPDဘဲသွားမည်။
သို့သော်ခဏစောင့်ကြည့်ပါဦးမည်ဆိုပြီး စိတ်ကိုသာတည်ငြိမ်အောင်ထားပါသည်။ ဒီလိုနှင့် (၃)နာရီထိုးသည့်အချိန်ရောက်တော့ SMS ဆေးခန်းphoneဆက်ပြီး ကျနော့်နလုံးကုသမားတော်ကြီး ဒေါက်တာကျော်စိုးဝင်းကိုပြသဘို့ booking တင်တော့ 46 တဲ့ခင်ဗျ။
မတတ်နိုင်ပေဘူး၊ အိမ်ကကိုကျော်သိန်းနှင့်တူမတော်
ထက်ထက်တို့နှင့်ချီတက်ကြတော့ အခြေအနေကြည့်ပြီး
ကျနော့်ကို သူတို့ဆီကဘဲဦးစားပေးလိုက်တော့ ကျနော်
စောစောပြလိုက်နိုင်ပါတယ်။ ထုံးစံအတိုင်း ECG ဆွဲ တာဘာညာက ရောက်ကထည်းကလုပ်ထားပြီးမို့ ဆရာကကြည့်ရှုစစ်ဆေး မေးသင့်တာမေး ကိုယ်ကဖြစ်စဉ်တွေ
ပြောပြ Nitorolလျှာအောက်ထည့်ဖြစ်ကြောင်းပြောပြတော့ ခု ဖေါ့်ပြပါ ဆေးထပ်တိုးပေးပြီး တခုခုဖြစ်သည်ဆိုတာ ကိုယ့်ဖာသာ ခံစားမိရင် Nitorol ငုံပါ၊ဆောင်ထားပါဟုညွှန်ကြားပါသည်။
ဒီတခါလည်း ဘိုဘိုဘ တုံးကျော် လို့သွားပြန်ပါသညိ။
အဓိက က တော့ သတိဖြင့် ကြောက်စိတ်မဝင်အောင်
စိတ်ကိုတင်းထားနိုင်ခြင်းကြောင့်ဖြစ်မည်ထင်ပါသည်။
သို့သော် တနေ့ တော့ go went gone ရမည်ပင်ဖြစ်ပါသည် ။
ကျနော် ‌နေလို့ထိုင်လို့မကောင်းသရိုးသရီဖြစ်နေတာတော့အတန်ကြာပါပြီ(၄/၆/၂၅)ကျမှ ခဲမှန်ပါ‌တော့သည်။
သမား‌တော်က လုံးဝနားပါဟုညွှန်ကြားပါသည်။
မဖြစ်မနေ သွားရမည့် သူငယ်ချင်းနာရေး မနေ့ကဖြစ်‌အောင်ပို့ပြီး ယနေ့က စ ၍ နားပါပြီခင်ဗျာ။
ချစ်ခင်ရသူများအားလုံးကျန်းမာအေးချမ်းကြပါစေခင်ဗျာ။
စကားချပ်။ ကျနော့်မှာ Nitorol က (၆)လုံးထဲရှိတော့တာမို့ မနေ့ကဝယ်ခိုင်းရာ ဘယ်ကမှမရခဲ့ပါ၍ ပိုပိုသာသာ
ရှိသူများမျဝေပေးကြစေလိုပါသည်။

ဥိးကျော်ဦး ၏ Facebook post 5 June 2025 ကျွန်တော်ကဲ့သို့ နှလုံးသွေးကြောကျဉ်းနေသူ မိတ်ဆွေတစ်ဦးက ၂၀၂၂ ခုနှစ်နှင့် ၂၀၂၅ ခုနှစ်ကြား ကျန်းမာရေးစစ်ဆေးချက်များအရ ကျွန်တော့ နှလုံးသွေးကြောအခြေအနေပြောင်းလဲမှုနှင့် calcium score ထပ်တက်မတက် မေးလာသဖြင့် ပြန်လည်ဖြေကြားရင်း ကျန်းမာရေးစစ်ဆေးသူ များလာကြောင်း သတိပြုမိပါသည်။ မကြာခဏ ပေါ်လာတတ်သော ပြည်တွင်းပြည်ပ ဆေးရုံများ၏ ကျန်းမာရေးစစ်ဆေးခြင်း ကြော်ငြာများက ယင်းအချက်ကို သက်သေခံနေသည်။. ကျွန်တော်က ၂၀၁၁ ခုနှစ်မှစကာ တကိုယ်လုံး ကျန်းမာရေးနှင့် နှလုံးကျန်းမာရေးစစ်ဆေးမှု စုစုပေါင်း ခြောက်ကြိမ် ပြည်တွင်းပြည်ပဆေးရုံများ၌ လုပ်ဖူးသည်။ စစ်ဆေးပြီး၍ တွေ့ရှိချက်များကို ဆရာဝန်များက လူနာများအား ရှင်းပြရာတွင် ”ယေဘုယျကျန်းမာရေးကတော့ ကောင်းပါတယ်။ ဒါပေမယ့် ဒီဓာတ်က များနေ၊ ဟိုဓာတ်က နည်းနေတယ်၊ ဘယ်အထူးကုနဲ့ ပြဖို့သင့်တယ်” ဟု အကြံပေးကြသည်။ တွေ့ဖူးသလောက် ပြောရလျှင် ယင်းသို့အကြံပေးခြင်းသည် လေးလေးနက်နက် မဟုတ်လှပါ။ ရှင်းပြသောဆရာဝန်သည် ရှင်းပြရန် တာဝန်သာ ရှိသည်။ ရောဂါကုမည့်ဆရာဝန် မဟုတ်ခြင်းကြောင့် အလေးအနက်မထားခြင်း ဖြစ်နိုင်သည်။ နောက်တစ်ခုက ထွက်လာသောအဖြေ အရေအတွက်က များလွန်းသဖြင့် သေသေချာချာ မကြည့်နိုင်၊ high သို့မဟုတ် low ပြနေသည်တို့ကိုသာ ရှင်းပြတာ ဖြစ်နိုင်သည်။ (မိမိတွေ့ဖူးသလောက်ကိုသာ ပြောခြင်းဖြစ်သည်။ စေတနာအပြည့်နှင့် အချိန်များစွာပေး၍ ရှင်းပြသည့် ဆရာဝန်များလည်း ရှိနိုင်ပါသည်။). လွန်ခဲ့သည့်သုံးနှစ်လောက်အထိ ကျန်းမာရေးစစ်ဆေးပြီး၍ ဆရာဝန်က ”ယေဘုယျကျန်းမာရေးကတော့ ကောင်းပါတယ်”ဟု ပြောလိုက်လျှင် အတော်စိတ်ချမ်းသာသွားသည်။ ”ဒီဓာတ်က များနေ၊ ဟိုဓာတ်က နည်းနေတယ်”ဟု ဆရာဝန်က ပြောသော်လည်း အလေးအနက်မဟုတ်သဖြင့် ပေါ့ပေါ့ပဲ နေခဲ့သည်။ သို့သော် နောက်ပိုင်းတွင် အတွေးတစ်ခုပေါ်လာသည်။ ”ကျန်းမာရေးစစ်ခဲ့တယ်။ စစ်တဲ့အဖြေတွေက လက်ထဲရောက်နေပြီ။ ဆရာဝန် ပြောလိုက်တာနဲ့တင် မဟုတ်ဘဲ အဖြေတွေကို ရသလောက်လေ့လာပြီး ဘယ်လိုလုပ်သင့်သလဲ ဆိုတာ သိအောင်လုပ်ရမယ်။ ဒါမှ ကျန်းမာရေးစစ်ရကျိုး နပ်တော့မပေါ့”. ဥပမာ ကိုလက်စထရောဆိုပါတော့။ 200 mg/dL ထက်နည်းရမည်။ သွေးစစ်အဖြေက 190 mg/dL ဟု ပြသည်။ ပုံမှန်ဖြစ်နေသော်လည်း အစားအသောက် အနေအထိုင် မဆင်ခြင်ပါက ပုံမှန်ထက်ကျော်သွားနိုင်ကြောင်း သိလာသည်။ အဆီအအိမ့်လျှော့စား၊ လေ့ကျင့်ခန်းမှန်မှန်လုပ်လျှင် ကိုလက်စထရော ကျသွားမည်။ နောက်ဥပမာတစ်ခု Vitamin D၊ 20 and 40 ng/mL ကြား ဖြစ်ရမည်။ သွေးစစ်အဖြေက 22 ng/mL ဟု ပြသည်။ ယခုပုံမှန်ဖြစ်နေသော်လည်း မကြာမီ ပုံမှန်ထက်နည်းသွားနိုင်သည်။ နေရောင်ခံလျှင် တက်လာမည်။. လွယ်လွယ်သိ၊ လွယ်လွယ်ပြင်နိုင်သည်တို့ကို ဥပမာပြခြင်း ဖြစ်ပါသည်။ ဆေးစစ်အဖြေစာရွက်များတွင် ဘယ်ဓာတ်က ဘယ်လောက်အတွင်းမှာ ရှိသင့်သည်ဆိုတာတွေ အများအားဖြင့် ပါပါသည်။ ငွေအကုန်ခံ၍ ကျန်းမာရေးစစ်ပြီးမှ ဆရာဝန်ပြောသမျှဖြင့်သာ ကျေနပ်မနေဘဲ မိမိဘာသာလည်း ရသလောက် လေ့လာသင့်ပါသည်။ အဖြေစာရွက်တွင် high များ၊ low များ ပြထားပါလျက်နှင့် ဆရာဝန်က မပြောလိုက်သည်တို့ ရှိနေလျှင် နီးစပ်ရာဆရာဝန်များထံသို့သွား၍ အကြံဉာဏ်တောင်းခံသင့်သည်။ ကုသဖို့လိုလျှင် စောစောစီးစီး ကုသခြင်းဖြင့် မဖြစ်သင့်တာမဖြစ်အောင် ရှောင်နိုင်သည်။ ဆေးစစ်ချက်တွင် high ပြနေသော်လည်း ဆရာဝန်က ဘာမျှမပြော၊ လူနာကိုယ်တိုင်ကလည်း ကုသမှုခံရကောင်းမှန်း မသိ၍ ”ဒုက္ခရောက်”သွားသော သာဓကများ ရှိပါသည်။