Breaking News of the Day 3 / 3 ထူးခြားသတင်းများ 2025 March to April ကမ္ဘာ့အရေး၊နှင့် ယနေ့ မြန်မာ့အရေး သတင်း များ။ – 11 March to 14 April 2025 / News 2/

စစ်ရေးအရအရေးပါလှ တဲ့ အင်းတော် နဲ့ ဖလမ်း အောင်ပွဲ / People’s Spring

စစ်ရေးအရ အရေးပါလှတဲ့ အင်းတော်နဲ့ဖလမ်းအောင်ပွဲ။ အညာသား၊ဟန်နွေ/People’s Spring။ စစ်ကိုင်းတိုင်း နဲ့ ချင်းပြည်နယ်မှာ စစ်ရေးအရ အရေးပါလှတဲ့ မြို့ ၂ မြို့ကိုတော်လှန်ရေးတပ်တွေက သိမ်းပိုက်နိုင်ခဲ့တဲ့အကြောင်း ဒီတစ်ပါတ်ပြောပြပါမယ် ။ ၂၀၂၅ ဧပြီ ၇ ရက်နေ့ဟာ နွေဦးတော်လှန်ရေးရဲ့အရေးကြီး တဲ့နေ့တစ်နေ့အဖြစ်မှတ်တမ်းဝင်ခဲ့ပါတယ် ။စစ်ကိုင်းတိုင်း နဲ့ ချင်းပြည်နယ်အစပ်မှာ စစ်ရေးအရ အရေးပါလှပြီး ၇ လတိုင်ထိုးစစ်ဆင်တိုက်ခိုက်ခဲ့ရတဲ့ အင်းတော်မြို့ကို တော်လှန်ရေးတပ်တွေက အပြီးသတ်သိမ်းပိုက်နိုင်ခဲ့သလို ချင်းပြည်နယ်ရဲ့ ဒုတိယမြို့တော်ဖြစ်တဲ့ ဖလမ်းမြို့ကို ချင်းညီနောင်နဲ့ မဟာမိတ်တွေက ငါးလကြာထိုးစစ်ဆင်ပြီး သိမ်းပိုက်နိုင်ခဲ့တာကြောင့်ဖြစ်ပါတယ်။ ဒါအပြင် စစ်တပ်မှာ မာလှ ၊ကြမ်းလှပါတယ်ဆိုပြီး နာမည်းဆိုးနဲ့ကျော်ကြားတဲ့ တပ်မ ၇၇ ကိုပါ တော်လှန်ရေးတပ်တွေက အောင်နိုင်ခဲ့တာဖြစ်ပါတယ်။ အင်းတော်မြို့သိမ်းတိုက်ပွဲ။ ဒုတိယကမ္ဘာစစ်လက်ကျန် လိုဏ်ဂူဖြစ်တဲ့ ဂျပန်လှိုဏ်ဂူထဲမှာ စစ်တပ်က ခံစစ်အခိုင်အမာပြင်ပြီး လပေါင်းများစွာ ခုခံတိုက်ခိုက်ခဲ့တဲ့အတွက်တော်လှန်ရေးတပ်တွေဟာ လပေါင်းများစွာခက်ခက်ခဲခဲထိုးစစ်ဆင်ခဲ့ရတာ ဖြစ်ပါတယ် ၂‌၀၂၄ ဩဂုတ်လာထဲကစတင်ခဲ့တဲ့ အင်းတော်မြို့သိမ်းတိုက်ပွဲဟာ ဂျပန်လှိုဏ်ဂူ‌ကြောင့်ပဲ ကြန့်ကြာနေခဲ့တာဖြစ်ပါတယ်။ ဒီလှိုဏ်ဂူဟာ မန္တလေး-မြစ်ကြီးနားလမ်း‌ပေါ်မှာရှ်ိပြီး အတော်အသင့်ကြီးတဲ့ တောင်ထဲမှာ ဂျပန်တွေက ကျကျနန ဆောက်ထားတာဖြစ်ပါတယ်။ အင်းတော်မြို့သိမ်းတိုက်ပွဲကို KIA၊ABSDFနဲ့ PDFတွေက အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ် (၁) စစ်ဒေသရဲ့အစီအစဥ်နဲ့ ၂၀၂၄ ဩဂုတ်လ ၁၆ရက်မှာ စတင်ထိုးစစ်ဆင်တိုက််ခိုက်ခဲ့တာပါ။ တချိန်တည်းမှာပဲတော်လှန်ရေးတပ်တွေက ပင်လည်ဘူးမြို့ ၊ထီးချိုင့်မြို့တွေကို။ ထိုးစစ်ဆင်ခဲ့ကြပါတယ် ။ ပင်လည်ဘူးမြို့ကိုတော့ ထိုးစစ်ဆင်ပြီရက်ပေါင်း ၅၀ ကျော်အကြာ ၂၀၂၄ အောက်တိုဘာ ၈ ရက်နေ့မှာပဲ PDF တွေကအပြီးသတ်သိမ်းနိုင်ခဲ့ပါတယ်။ ဒါကြောင့်အခုဆိုရင် တချိန်တည်းထိုးစစ်ဆင်ခဲ့တဲ့အထဲမှာ ပင်လည်ဘူး နဲ့ အင်းတော်သိမ်းနိုင်ပြီ ဖြစ်ပါတယ် ။ထီးချိုင့်မြို့ပဲကျန်တော့တာဖြစ်ပါတယ်။ စစ်ကောင်စီက အင်းတော်မြို့ခုခံစစ်ကို ပဲခူးတိုင်းအခြေစိုက်အမှတ်(၇၇)ခြေမြန်တပ်မကို တာဝန်ပေးခဲ့ပြီးတပ်မ(၇၇)အောက်မှာ တပ်ရင်း၅ရင်း၊ အင်အား ၇၀၀ခန့်အထိပို့ပြီး အင်းတော်မကျအောင် ခုခံခဲ့တာဖြစ်ပါတယ်။ပူးပေါင်းတပ်တွေရဲ့မြို့သိမ်းစစ်ဆင်ရေးကို တပ်မ ၇၇ တပ်မမှူး ဗိုလ်မှူးချုပ် အောင်သက်ဦးက ဦးဆောင်ခုခံခဲ့ပါတယ်။ ပူးပေါင်းတပ်တွေက မြို့ထဲကစစ်ရေးပစ်မှတ်တွေကို မတိုက်ခိုက်ခင် ၂၀၂၄ ဇွန်လကစပြီး အင်းတော်မြို့ပတ်ချာလည်က စစ်ကောင်စီတပ်စခန်းတွေကို ထိုးစစ်ဆင်တိုက်ခိုက်သိမ်းယူခဲ့ပါတယ်။စစ်ရေးအရ အရေးပါတဲ့ အင်းတော်မြို့ နဘားလမ်းဆုံကို ဩဂုတ်လ ၂၂ရက်နဲ့ အင်းတော်မြို့မရဲစခန်းကိုဩဂုတ်လ ၂၄ရက်မှာ သိမ်းယူနိုင်ခဲ့တာပါ။ ရဲစခန်းကိုသိမ်းယူတဲ့တိုက်ပွဲမှာ နိုင်ငံရေးအကျဉ်းသားအချို့အပါအဝင် စစ်တပ်ကမတရားဖမ်းဆီးထားသူတချို့ကို အချုပ်ထဲကနေကယ်ထုတ်ပေးနိုင်ခဲ့ပါတယ်။ ဖလမ်းမြို့သိမ်းတိုက်ပွဲ။ ချင်းပြည်နယ် မြောက်ပိုင်းမှာ စစ်ရေးအရ အရေးပါတဲ့ ဖလမ်းမြို့ကို ချင်းညီနောင်နဲ့မဟာမိတ်တပ်တွေကအပြီးသတ် တိုက်ခိုက်သိမ်းပိုက်ပြီး ဖလမ်း မြို့နယ်မှာ စစ်ကောင်စီကင်းစင်သွားပြီလို့ ချင်းညီနောင်က ဧပြီ ၉ ရက်နေ့မှာကြေညာလိုက်ပါတယ်။ ချင်းညီနောင်စစ်ဆင်ရေး ဖလမ်း နဲ့ မင်းတပ်မြို့သိမ်းတိုက်ပွဲကို ၂၀၂၄ နိုဝင်ဘာ ၉ရက်မှ တပြိုင်တည်းစတင်ခဲ့တာပါ ။ မင်းတပ်မြို့ကို ဒီဇင်ဘာ ၂၁ရက်မှာ သိမ်းပိုက်နိုင်ခဲ့ပေမယ့် ဖလမ်းမြို့ကိုတော့ ငါး လအကြာ ထိုးစစ်ဆင်ပြီး ဧပြီ ၇ရက်မှာ အပြီးသတ် သိမ်းပိုက်နိုင်ခဲ့တာဖြစ်ပါတယ်။ ၂၀၂၄ နှစ်ကုန်ပိုင်းကတည်းက ဖလမ်းရဲစခန်းအပါအဝင်မြို့နဲ့ မြို့နယ်အတွင်း စစ်ကောင်စီ နေရာ အများအပြားကို သိမ်းပိုက်ထားနိုင်ခဲ့ပေမယ့် နောက်ဆုံးကျန်နေတဲ့ အမှတ် ၂၆၈ ခြေလျင်တပ်ရင်း(ခလရ၂၆၈) ကိုတော့ ခက်ခက်ခဲခဲ တိုက်ခိုက်ခဲ့ကြရတာပါ။ ၂၀၂၄ ဒီဇင်ဘာမှာ ခလရ(၂၆၈)ကို စစ်ကောင်စီက လူအင်အား တစ်ရာလောက် လေကြောင်းက ဖြည့်တင်းခဲ့ပါတယ်။ ရဟတ်ယာဥ်နဲ့ချပြီး မကြာခင်မှာကဲ အားလုံးနီးပါးကို ချင်းညီနောင်က စစ်သုံ့ပမ်းအဖြစ် ဖမ်းဆီးနိုင်ခဲ့ပါတယ်။ ဒီလိုနဲ့ နောက်ဆုံးကျန်တဲ့ ခလရ ၂၆၈ ကို စစ်ကူမပို့နိုင်အောင် တော်လှန်ရေးတပ်တွေက ပိတ်ဆို့တိုက်ခိုက်နိုင်ခဲ့ပါတယ် ။ ဖလမ်းမြို့သိမ်း စစ်ဆင်ရေးကို ချင်းညီနောင်အဖွဲ့ဝင်တွေသာမက စစ်ကိုင်း၊ မကွေး၊ ယောဒေသ က တော်လှန်ရေး တပ်ဖွဲ့ပေါင်း ၁၇ ဖွဲ့လည်း ပါဝင်ဆင်နွှဲခဲ့ကြတာဖြစ်ပညတယ်။ ၂၀၂၄ နှစ်ဆန်းပိုင်းကတည်းက မြို့သိမ်းတိုက်ပွဲအတွက် ကြိုတင်ပြင်ဆင် ပြီးမှ တိုက်ပွဲဝင်ခဲ့ကြတာဖြစ်ပါတယ်။ချင်းပြည်နယ်မြို့တော် ဟားခါးနဲ့ မိုင်လေးဆယ်ကျော်အကွာမှာရှိတဲ့ ဖလမ်းဟာ စစ်ရေးအရလည်း အရေးပါလှပါတယ်။ဒါကြောင့် စစ်ကောင်စီဘက်က။ တပ်မ (၇၇ )လက်အောက်က ခလရ (၃၉၁) နဲ့ ခလရ ၈၉ စစ်ကူတွေ အကြိမ်ကြိမ်ပို့ခဲ့သလို လေကြောင်း ပစ်ကူပေး တိုက်ခိုက်မှု အကြိမ်ပေါင်း ၁၀၀၀ ကျော် ပြုလုပ်ခဲ့ပါတယ် ။ ludunwayoo #လူထုနွေဦး #NewsUpdate။ 𝗣𝗲𝗼𝗽𝗹𝗲’𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 – / @peoplespring
𝗙𝗮𝗰𝗲𝗯𝗼𝗼𝗸 – / ludunwayoo
𝗪𝗲𝗯𝘀𝗶𝘁𝗲 – https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 – / ludunwayoo
𝗧𝗲𝗹𝗲𝗴𝗿𝗮𝗺 – https://t.me/peoplespring

ချင်းညီနောင် ပြောရေးဆိုခွင့် ရှိသူ တစ်ဦး ဖြစ် တဲ့ ဆ ိုင်း တင် မီ နဲ့ မေးမြန်မး ခန်း ( People’s Spring )

“(ဖလမ်းက)စစ်ရေးအရသော်လည်းကောင်း နိုင်ငံရေးအရသော်လည်းကောင်းတော်တော်လည်းအရေးကြီးတဲ့နေရာဖြစ်ပါတယ်”. ချင်းညီနောင်ပြောရေးဆိုခွင့်ရှိသူတစ်ဦးဖြစ်သလို CNO/CNDF ပြောရေးဆိုခွင့်ရှိသူ ဆလိုင်းတင်မီ နဲ့မေးမြန်းခန်း. ချင်းညီနောင်နဲ့မဟာမိတ်အဖွဲ့တွေက ချင်းပြည်နယ် မြောက်ပိုင်းက ခရိုင်မြို့တစ်မြို့ဖြစ်တဲ့ ဖလမ်းမြို့နယ်တစ်ခုလုံးကို ဧပြီ ၉ ရက်နေ့မှာအပြီးသတ်သိမ်းပိုက်နိုင်ခဲ့ပါတယ်။ ချင်းညီနောင်စစ်ဆင်ရေး(Operation CB)အဖြစ် ဖလမ်းမြို့သိမ်းစစ်ဆင်ရေးကို ၂ဝ၂၄ နိုဝင်ဘာ ၉ရက်မှာ စတင်ခဲ့ရာ စစ်ဆင်ရေး ၅လပြည့်မြောက်တဲ့ ဧပြီ၉ ရက်နေ့မှာပဲ ဖလမ်းမြို့နယ်တစ်ခုလုံး စစ်ကောင်စီ ကင်းစင်တဲ့ နယ်မြေအဖြစ် ကြေညာခဲ့ပါတယ်။ချင်းညီနောင်နဲ့ မဟာမိတ်တွေအတွက် ချင်းပြည်နယ်မှာ ၅ မြို့မြောက်မြို့အဖြစ်သိမ်းယူနိူင်ခဲ့တာဖြစ်ပါတယ် ။ ချင်းညီနောင် ရဲ့ပြောရေးဆိုခွင့်ရှိသူ တစ်ဦးဖြစ်တဲ့ချင်းညီနောင်အဖွဲ့ဝင် ၊ချင်းအမျိုးသားအဖွဲ့ချုပ်/ချင်းအမျိုးသားကာကွယ်‌ရေးတပ်(CNO/CNDF)ရဲ့ ပြောရေးဆိုခွင့်ရှိသူ ဆလိုင်းတင်မီ ကို People’s Spring ကဆက်သွယ်မေးမြန်းထားပါတယ် ။. ludunwayoo #လူထုနွေဦး #NewsUpdate. 𝗣𝗲𝗼𝗽𝗹𝗲’𝘀 𝗦𝗽𝗿𝗶𝗻𝗴
𝗬𝗼𝘂𝗧𝘂𝗯𝗲 – / @peoplespring
𝗙𝗮𝗰𝗲𝗯𝗼𝗼𝗸 – / ludunwayoo
𝗪𝗲𝗯𝘀𝗶𝘁𝗲 – https://www.ludunwayoo.com/
𝗜𝗻𝘀𝘁𝗮𝗴𝗿𝗮𝗺 – / ludunwayoo
𝗧𝗲𝗹𝗲𝗴𝗿𝗮𝗺 – https://t.me/peoplespring

တိုက်ချင်တာလား ဣိုင်ချင်တာလား တင်ဆက်ပေးလိုက်ပါတယ်။ အောက်က Channel တွေဟာလည်း BBM ရဲ့ Channel ေတွဖြစ်တာမို့ Follow ပေးကြပါဦး…. BBM Youtube
/ @breakingbrainwashedchannel BBM Facebook
https://www.facebook.com/share/1… BBMTVPlus
https://www.facebook.com/share/1… BBMTVPlus (YouTube)
/ @bbmtv-cb2dv

သွေးကြွေးမှာ ဆွေးနွေးစရာ မရှဘူး ဆိုတာ ပိုသေချာ သွားတဲ့ တပ်မ ၇၇ တပ်မမှူး ဖမ်း ခံရ တဲ့ ဖြစ်စဉ် အင်းတော်မြို့မာတပ်မ ၇၇ တပ်မမှူးအဖမ်းခံခဲ့ရတဲ့ ဖြစ်စဥ်နဲ့ပတ်သတ်ပြီးပြောထားပါတယ်ဗျ / ဖက်ဒရယ် ပြည်ထောင်စု ၏ ဖက်ဒရယ် တမ်မတော် ရဲ့ ရှေ့ပြေး

ဗိုလ် မိုက်ခဲ ပြောတဲ့ ဖလမ်း အောင်မြင်မှု နောာက်ကွယ် – ဖလမ်းမြို့သိမ်းတိုက်ပွဲမှာ ပါဝင်ခဲ့တဲ့ Myingyan Black Tiger (MBT) အဖွဲ့ခေါင်းဆောင် ဗိုလ်မိုက်ခဲပြောတဲ့ ဖလမ်းမြို့သိမ်းတိုက်ပွဲနောက်ကွယ်ကအကြောင်းကိုတင်ပြလိုက်ပါတယ်။